جارہے ہو گُل کرکے، تُم چراغ چاہت کے

غزل

(راشؔد ذوالفقار)

جارہے ہو گُل کرکے، تُم چراغ  چاہت  کے

عہد کیا ہوئے سارے ،عمر بھر رَفاقَت کے

وقت   کی   عدالت   میں   آج  کیا ہوا اُس کو

کر رہا  تھا  جو  وعدے،  کل  بلند  قامَت   کے

خود   اُکھاڑ   پھینکو  تم  ابتدا  میں  یہ   پودے

جڑ   پکڑ   نہ  لیں  دیکھو ، یہ شجر  عداوت  کے

جیتنا   ہے    نا ممکن    دوڑ    یہ    ترقّی     کی

کَم   اگر   نہ   ہو  پائے  ، سلسلے  جہالت   کے

دوغلی   سیاست   سے   دُور   ہی   رہو   راشؔد

بس   مُقابلے   دیکھو  ، بے   عمل خطابت کے