تعصّب آنکھ میں آجائے تو دیدہ وری مشکل

غزل

(راشؔد ذوالفقار)

تعصّب آنکھ  میں   آجائے    تو    دیدہ  وری  مشکل

توازُن   میں  نہ ہو جب ذات پھر  خُود آگہی   مشکل

نہیں     اچھا     لگانا     غیر   پر   تُہمت     خرابی    کی

جب    اپنے     ہاتھ    سے    اپنی  بنائی زندگی مشکل

پُکا  رو  گے   کسی  حالت  ،  کسی  بھی  آزمائش     میں

چلے  آئیں  گے  دوڑے  ہم ، اگر تم پر پڑی  مشکل

اُلجھنا  مت فقیروں سے یہ اپنی دُھن میں کیا کہہ دیں

نہ    ہو   جائے    چھُپانا   آپ   کو   شرمندگی  مشکل

یہ    کیسا   شہر   ہے   ،  کیسی   اداکاروں کی بستی ہے

یہاں    تو    ہو  گیا     راشؔد    پرکھنا     دوستی   مشکل