تِرے روپ کی روشنی مِل گئی ہے

غزل

(راشؔد ذوالفقار)

تِرے    روپ     کی   روشنی    مِل   گئی ہے

بِنا     چاند     کے     چاندنی   مِل  گئی     ہے

جِسے      ڈھونڈتی    تھی         نگاہیں       ہمیشہ

ہمیں      وہ   مجسّم     خوشی   مِل    گئی     ہے

یہ رنگوں گھیرے ،یہ خوشیوں کے  پھیرے

گُلوں    سے    سَجی    اک   گَلی   مِل   گئی ہے

اندھیروں   میں  غم   کے  کہیں  گمُ ہوئی تھی

وہ   کیا   مِل   گئے   زندگی   مِل   گئی       ہے

جو    بھولے   سے   اُسنے   نظر  بھر کے دیکھا

مرے    دِل    کو     دُنیا    نئی   مِل   گئی  ہے

ہے   سب   مہربانی   مرے   رب   کی    راشؔد

جو    نعمت   بھی   چاہی   وہی   مِل   گئی    ہے