غزل
راشؔد ذوالفقار
بساطِ مکر و ریا پر نہ جیت پائیں گے
کہ ہم تو کھیل سے
پہلے ہی ہار جائیں گے
بلا کا حوصلہ رکھتے ہیں جبر سہنے کا
ہمارے صبر کو کیا لوگ آزما ئیں گے
ادا شناس نگاہیں
بتا رہی ہیں ہمیں
وفا کے باب میں
الزام ہم پہ آئیں گے
سکوتِ شب کے کھلاڑی
اُبھرتے سورج سے
دروغ رنگ
نقابوں سے منہ چھپائیں گے
دریچے کُنجِ اماں کے کھُلے رکھو راشؔد
پرندے تھک کے نشیمن کو پھر بسائیں گے
0 comments:
اگر ممکن ہے تو اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔