ڈبوکر ، خود بچانا اور پھر احسان بھی رکھنا

غزل

ڈبوکر ، خود  بچانا  اور  پھر  احسان  بھی   رکھنا

ہماری   آرذوئے   مرگ  کا  سامان بھی رکھنا

ہے یہ اظہار صدیوں سے ہر اِک سچّی  محبت  کا

بگڑنا  ،  روٹھنا  بھی  اور عزیزِ  جان  بھی رکھنا

پہنچ  کر  اوَجِ   منزل  پر  اجُالے  بانٹنے  والو!

تم حقداروں کی خوشیوں کا ذرا دھیان بھی رکھنا

فسانے خواہشوں کی نارسائی کے لکھو جب بھی

اچھُوتے خوبصورت سے نئے عنوان بھی رکھنا

غزل   کہنے   کی   نیّت   ہو   تو   ازراہِ   تبّرک تم

سرہانے   اپنے   راشؔد ، میؔر  کا  دیوان بھی رکھنا