ہم کو کبھی دیکھے وہ عنایت کی نظر سے

٭٭٭ غزل ٭٭٭

ہم  کو  کبھی  دیکھے  وہ  عنایت  کی  نظر   سے

کب تک اُسے دیکھیں اِسی حسرت کی نظر سے

وہ   ہم   کو  نہ  چاہے  یہ  دعُا  پھر بھی  ہے  اپنی

اللہ   بچائے   اُسے    نفرت    کی    نظر    سے

بندھن   ہے   یہ   انمول  خسارے  میں  رہوگے

یوں  پیار  کو  پُرکھو  نہ   تجارت   کی   نظر   سے

قربانی   طلب   کرتے   ہیں   یہ  خون  کے  رشتے

برباد    نہ    کردینا    سیاست    کی    نظر    سے

کچھ   چُوک   ہوئی   ہم   سے  رہِ   رسمِ   وفا  میں

لگتا   ہے   یہی   اُس   کی   شکایت   کی    نظر  سے

راشؔد   ابھی   باقی    ہے    کوئی   طرزِ  ستم    اور

تخمینہ   لگا    اُس   کی    عداوت    کی    نظر     سے