جذبئہ جہد سے سرشار بنا سکتا ہے

غزل

راشؔد ذوالفقار

جذبئہ  جہد  سے  سرشار  بنا  سکتا   ہے

عزم  لاٹھی   کو  بھی  تلوار  بنا سکتا ہے

اپنے  سینے مین جو رکھتا ہے  جواں  جوشِ نمو

سینئہ    دشت   کو   گلزار  بنا سکتا ہے

جوہرِ   خُلق    وہ   جوہر   ہے  کہ   جو

دشمنِ جاں کو طرف دار ب بنا سکتا ہے

  

جھانکنا اپنے گریباں میں اگر وقت مِلے

یہ   تجھے   صاحبِ   کردار  بنا  سکتا ہے

ردِّ  فرمانِ   الہی   کی   سزا   یاد    رہے

یہ   فرشتے   کو   گنہگار    بنا   سکتا    ہے

راہ   تو   کوئی   بھی  دُشوار  نہیں   راشؔد

درمیاں   ٹھہر نا   دُشوار   بنا  سکتا   ہے